ММФ ја предупреди ЕЦБ да вложи повеќе пари за спасување на еврозоната
Објавено во: Свет 28 Јули, 2015
Европската централна банка треба да остане во подготвеност и да ја користи целосната сила на својата финансиска моќ за да припази еврозоната да не западне во нови превирања како резултат на грчката криза, смета Меѓународниот монетарен фонд.
Во својот годишен извештај за состојбата на еврозоната ММФ упатува контроверзна претензија кон ЕЦБ да ја прошири својата невидена програма за квантитативно олеснување по нејзиното условно завршување во септември 2016 година, објави „The Telegraph“.
Иако фали интервенцијата на ЕЦБ со 1,1 трилиони евра квантитативно олеснување, во извештајот се вели дека ЕЦБ „треба да се осигура дека банките ќе продолжат да имаат пристап до висока ликвидност и ќе ги задржат нормалните услови на должничките пазари“.
„Ако финансиските услови се влошат значително, ЕЦБ ќе треба да разгледа дополнително олабавување на монетарната политика преку проширување на програмата за стекнување на средства“, се препорачува во извештајот.