МЛАДИТЕ ВО МАКЕДОНИЈА ОДГОВОРИЛЕ ДЕКА СЕ НЕСРЕЌНИ: Србите се трети, а Литванците први на листата
Објавено во: Македонија 26 Март, 2024
Младите во Македонија дале релативно лоша оцена за животот тука – се наоѓаат на 67-мо место на листата, по младите во Албанија и пред младите во Русија. Младите во Србија се трети најсреќни во светот.
Литванија е на првото место на најсреќни земји на светот за лицата на возраст од 30 години и помлади. Литванија е на првото место на оваа листа, но дури на 44 место на скалата за постарите од 60 години и е вкупно 19 најсреќна земја во светот. Ова е наведено во годишниот извештај за индексот на среќата. Извештајот го направиле американската компанија за истражување на пазарите Галуп, Истражувачкиот центар за благосостојба на Универзитетот Оксфорд и Мрежата за решенија за одржлив развој на ОН.
Од анкетираните се бара да замислат скала на која најдобриот можен живот за нив е оценка 10, а најлошиот нула. За 130 земји се разгледуваат и БДП по жител, социјалната поддршка, здравјето, слободата, благосостојбата и отсуството на корупција.
foto freepik.com