Миракхмедов: Криминалот во Фени го направиле моите претходници
Објавено во: Економија 03 Ноември, 2017
Некој го осуети постигнатиот договор за продажба на фени и прави кампања за да оствари нечии други интереси. Вака ги објаснува поднесените кривични пријави првиот човек на Фени индустри, Јусуф Миракхмедов, објави Телевизија 24.
Реакцијата испратена преку неговите законски застапници доаѓа еден ден откако финансиската полиција објави дека открила криминал со огромни размери во Фени. Во соопштението Миракхмедов вели дека вистинските криминалци се претходните менаџери Даскалакис и Мундхра, кои од фени испумпале стотици милиони долари. Во тоа кумувале и банките, па затоа сега се обидувале да го спречат продавањето на фабриката на бугарски Енекод, тврди Миракхмедов.
„Eден месец пред Енекод да го купи, Фени бил во преговори со Стопанска, Комерцијална и Силк роуд банка, кои биле подготвени да не го доведат Фени во банкрот, само доколку Фени и неговите акционери редовно ги отпалќаат ратите и каматите од кредитите во вкупен износ од околу 4 милиони евра. Откако утврдиле дека Енекод го купил Фени, банките веднаш го побарале целосното исплаќање на сите долгови спрема нив, што е за 10 пати повеќе од она што бараа од Фени, само неколку недели порано. Банките подоцна поднесоа барање за стечај на Фени, со цел да извршат притисок врз Енекод, а во корист на друга копанија која поднела понеповолна понуда за Фени, а со која се поврзани претходните менаџери Даскалакис и Мундхра.“