Министерство за транспорт потврди дека не може да се суспендира ДУП-от кај Холидеј ин
Објавено во: Македонија 16 Јуни, 2021
Од Министерството за транспорт и врски на денешниот брифинг со новинари денеска соопштија дека Општина Центар не доставила правилни елаборати за суспензија на деталните урбанистички планови кои се доставени до Министерството и не докажала дека тие имаат штета по јавниот интерес.
Од Комисијата која ги разгледувала елаборатите истакнале дека елаборатите биле правени по погрешен член од Законот за урбанистичко планирање.
Оттаму сметаат дека главната грешка на Општината е што не го сменила планот толку време и дозволила тој да се реализира.
Во планот кај Холидеј не е споменато ниту збор за штета што би настанала, велат од Комисијата додавајќи дека тие не носат одлука туку само укажуваат каде има пропусти во елаборатот.
– Општината носи одлука дали ќе суспендира план, посочија од Комисијата на денешниот брифинг.