Миленко не чувствува никаква вина за она што го пишуваше на Фејсбук за грчките пожари
Објавено во: Македонија 17 Јануари, 2019
Основното јавно обвинителство Скопје лани во октомври до Кривичниот суд достави обвинителен предлог против едно лице за сторено кривично дело – ширење расистички и ксенофобичен материјал по пат на компјутерски систем.
Се работеше за новинарот Миленко Неделковски кој што денеска седна на обвинтелна клупа за ширење омраза на социјалните медиуми.
– Осомничениот како јавна личност – новинар, на својот јавен профил на една социјална мрежа, објавил коментар по повод пожарот на грчкиот полуостров Атика во кој имаше и човечки жртви. Притоа со коментарот промовирал омраза кон одредена етничка група – Грци, кои биле засегнати од катастрофалниот пожар. За ова кривично дело, согласно Кривичниот законик, предвидена е казна затвор од една до пет години, соопштија од Обвинителството кога го отворија случајот.
Денеска Миленко кажал дека не чувствува вина.
„Не се чувствувам виновен“-рекол Миленко.
Адвокатот на Неделковски побара наредното судско рочиште да се снима аудио и визуелно а на новинарот му се заканува затворска казна од една до пет години.