МИЛЕ ЗЕЧЕВИЌ НЕ СЕ КАНДИДИРА ЗА ЛИДЕР НА СДСМ - ова не значи дека ќе останам настрана од клучните процеси за мојата партија

Добивај вести на Viber

Миле Зечевиќ, долгогодишен истакнат член на СДСМ, и поранешен организациски секретар на партијата, реши да не се кандидира на партиските избори за лидер на партијата. 

„СДСМ се наоѓа во специфична состојба – и од аспект на владејачка партија одговорна за деликатните процеси во државата и од гледна точка на актуелните внатрепартиски случувања. 

За сето ова, сите коишто ѝ мислат добро и на државата и на СДСМ, мора да делуваат одговорно, како што прилега во вакви моменти. По направени долги и темелни консултација со моите другари, пријатели од партијата, а воден од одговорноста на моментот, решив да не се вклучам во изборниот процес. 

Меѓутоа, ова воопшто не значи дека ќе останам на страна во клучните процеси што ни претстојат, во капацитет и својство каде што можам најмногу да го дадам својот придонес за државните и за партиските приоритети во периодот што следува. 

Во момент на круцијални случувања во којшто се наоѓа владата предводена од СДСМ заедно со одговорните партнери внатре во неа, како и потребата за обединување и консолидирање на состојбите во самата партија, нам ни треба државнички и одоговрен пристап. Ова е мојот придонес кон тоа“, пишува во својата изјава за медиумите Миле Зечевичќ. 

Н.Н.Ф.