МЕПСО во главоболки: Пријавени инвестиции од 8.000 мегавати, а системот поддржува само 750
Објавено во: Економија 27 Декември, 2022
Операторот за пренос на електрична енергија МЕПСО во изминатиот период добил барања од инвеститори за изградба на фотоцентрали и ветерници со капацитет од неверојатни 8.000 мегавати, но како што велат од таму, системот има инвестициски капацитет да поддржи само уште 750 мегавати.
- Пристигнати се барања до МЕПСО за приклучок на инвестиции од 6.000 мегавати од фотонапонски централи и 2.000 мегавати од ветерници. Со тоа ќе се создаде проблем сите да ги приклучиме во системот, особено што не знаеме кои од овие инвеститори се сериозни во своите намери и немаме механизам да процениме на кого да му дадеме приоритет. Нам константно ни фали енергија, но доколку му дадеме првенство на некој несериозен, ќе блокира сериозни инвестиции од, да кажеме, 2.000 мегавати, рече денеска Орхан Муртезани, генералниот директор на МЕПСО.
Тој вели дека справувањето со ваквиот проблем не зависи само од преносната мрежа, туку и од капацитетот на ЕСМ да балансира со хидро енергијата. Сите инвеститори откако ќе добијат согласност од Владата, бараат приклучок од МЕПСО како следна фаза.
- Денес секој што ќе купи нива сака да гради фотоцентрала на истата и не знаеме кој од нив е сериозен во своите намери. Затоа ние поведовме една внатрешна процедура во МЕПСО да побараме банкарска гаранција од 2 отсто дека ќе се реализираат пријавените проекти во следните пет години, додава Муртезани.
Покрај тоа, директорот на МЕПСО смета дека треба да се земе и примерот на Србија како решение и дозволите да се даваат по региони, еден по еден, во земјата, за да може системот да ги следи барањата. Во моментов инвестиции од 270 мегавати се во напредна фаза, а за над 2.200 мегавати од централите веќе се прави студија.
Како споредба, оваа година пуштени во употреба се две нови фотонапонски централи од 25 мегавати во Овче Поле и 10 мегавати во Осломеј, додека во јануари ќе биде приклучена ветерната централа од 36 мегавати во Богословец. Овие капацитети, вели Муртезани, имаат далеку помал капацитет од барањата кои го преплавија МЕПСО.
А.К.
Можеби ќе ве интересира
ШОКАНТНО ВИДЕО: ПАТНИЧКА ВО АВИОН СЕДИ ВРЗАНА ЗА СЕДИШТЕ, НА РАЦЕТЕ И ЛИЦЕТО ИМА СЕЛОТЕЈП - но, ја знаете ли причината
НОВ МЕГАПРОЕКТ ВО ХРВАТСКА, НА БРЕГОТ НИКНУВА „ГРАД НА ИДНИНАТА“ - ќе чини од 20 до 30 милиони евра
Скандалозно! Заради провизијата на ЕСМ Продажба сите девет школи во Општина Центар ќе плаќаат поскапа струја од касарните на АРМ
ГЕРМАНСКИОТ ПРОИЗВОДИТЕЛ НА СПОРТСКА ОПРЕМА „АДИДАС“ ИСТРАЖУВА ОПСЕЖНА АФЕРА - еве за што се работи
Во македонската Развојна банка се добива по 1.000 евра плата и никој не сака да си оди
КОЈ Е РИЗИКОТ ОД ТРГОВСКА ВОЈНА МЕЃУ КИНА И ЕУ?: Дали таа е возможна и што би се случило доколку ја има?
Квадрат на хрватското приморје чини 4.000 евра, во Албанија под 1.000: Ова се цените на недвижностите покрај море на местата каде Србите најмногу купуваат
Измама од две евра завладеа со социјалните мрежи: Еве како да ја препознаете
ЌЕ ИМ СЕ СЛУЧИ БУМ ИЛИ РАЗОЧАРУВАЊЕ: Еве како фудбалското првенство во Германија ќе влијае на економскиот раст
