Мексиканците се мобилизираат за бојкот на американски производи
Објавено во: Свет 27 Јануари, 2017
Мексиканците започнаа кампања на социјалните мрежи со повици за откажување од употребата на производи од САД.
Ова се презема со цел одговор на дејствијата на американскиот претседател Доналд Трамп, кој стана познат по својата антимексиканска реторика уште за време на предизборната кампања. Акцијата почнала со ставање на хаштаг #AdiosStarbucks, а потоа кон него се додадени и други американски компании - Walmart, McDonalds, Ford, KFC, Costco и Home Depot и други.
Иницијаторите ги повикуваат Мексиканците да купуваат домашни производи. Но, скептичните корисници на социјалните мрежи забележуваат дека голем дел од наведените брендови имаат индиректна врска со САД, бидејќи работат на територијата на Мексико преку локалните компании и ги користат домашните суровини. На пример McDonalds користи месо купено од локалните производители.