Македонците и Европјаните со иста главоболка

Добивај вести на Viber

Европските граѓани се загрижени повеќе за имиграцијата отколку за состојбата на економијата на тешко погодениот од кризата континент, покажува истражувањето, објавено и цитирано од ДПА. 38 отсто од анкетираните ја истакнале имиграцијата како еден од главните проблеми пред Европската унија во анкетата на "Евробарометар", извршена во мај во 28-те земји од ЕУ, плус Албанија, Македонија, Србија, Турција и Црна Гора. Шест месеци порано само 24 отсто го посочиле истиот проблем како приоритетен и дале надмоќ на тешката состојба на економијата, невработеноста и на јавните финансии. Во новата студија тие се соодветно на второ, трето и четврто место. Овој пат имиграцијата е наведена како главна грижа во 20 европски земји, а таа доминира најсилно во Малта и Германија, односно со 65 и 55 проценти од одговорите. Истражувањето на "Евробарометар" покажува уште дека 56 отсто од анкетираните имаат негативен став кон приливот на луѓе од земји надвор од ЕУ. На внатрешната миграција во рамките на ЕУ се гледа повеќе наклонето - 51 отсто од анкетираните имаат позитивен однос кон неа. Тероризмот е на петтото место меѓу проблемите кои доведуваат загриженост зголемена со 6 процентни поени за 6 месеци во период кога во Европа беа извршени неколку сериозни терористички чин, а други беа спречени од силите за безбедност. Понатаму во градација на посочените проблеми, возбудливо Европјаните го следат растот на цените и трошоците на живот, криминалот, влијанието на ЕУ во светот, климатските промени, состојбата на животната средина, даноците, снабдувањето со енергија и пензиите, а ниту еден од нив не собира повеќе од 10 проценти приоритет во одговорите. Општо земено 58 отсто од анкетираните изразиле оптимизам за иднината на ЕУ, а 36 отсто се покажале како песимисти. Обработка:К.К. Извор: ДПА