Лозарите задоволни, државата ќе ги обештети за безмалку два милиони евра
Објавено во: Економија 06 Февруари, 2019
Лозарите се задоволни од одлуката со која државата ќе ги обештети за долгот помеѓу еден ипол и два милиони евра кои им ги должат винариите Повардарие и Стефани.
Не се знае точно кога лозарите ќе си ги добијат парите но она што го потенцираше министерот е дека државата не презема долг кон приватните компании, туку само ќе ги обештети лозарите кои од 2014 година се со празни раце и ги немаат наплатено своите предадени производи.
Државата ќе ги исплати лозарите, а потоа преку УЈП и Платежната агенција ќе си ги врати парите назад, објаснува Николовски кој вели дека државата го откупува долгот кој винариите го имаат кон лозаропроизводителите и потоа, како доверител, преку судски постапки, ќе си ги врати овие пари.
Сепак оваа одлука треба да помине на владината седница која е закажана за утре.