Лондон опасен - има ли потенцијални закани?
Објавено во: Свет 22 Септември, 2016
Лондон и другите градови во светот треба да бидат подготвени за можни терористички напади, изјави при враќањето од Њујорк градоначалникот на британската престолнина Садик Кан, цитиран од весникот „Дејли експрес".
„Тоа е реалната состојба на работите. Се плашам дека Лондон, Њујорк и други големи градови треба да бидат подготвени за тоа" - рече Кан, кој се наоѓаше во САД, кога во центарот на Менхетн во саботата имаше експлозија.
Лондонскиот градоначалник ги повика специјалните служби да бидат внимателни за евентуална терористичка закана и да останат поврзани со локалните општини.
„Тоа значи безбедносните служби да бидат во мирување, а исто така да има размена на мислења и искуства" - рече тој.
Според податоците на британското Министерство за внатрешни работи во Велика Британија, минатата година под сомневање за терористички активности биле приведени 315 лица, што е рекорден број откако се води ваква статистика.
39% од приведените биле дадени на суд, 22% биле ослободени со кауција, а 37% биле ослободени без да им бидат покренати обвиненија, забележуваат агенциите.
Терористичката закана во земјата сега е на ниво „сериозна" - претпоследен степен пред „критична".