Кромберг и Шуберт, Костал и Гентерм побарале уште поголеми поволности од македонската Влада
Објавено во: Економија 31 Јануари, 2019
Германските странски инвеститори во слободните економски зони - Кромберг и Шуберт, Гентерм, Костал и Марквард побарале уште поголеми олеснувања од тие што веќе ги имаат, пренесува Дојче Веле.
На средба со претставници од Владата тие се пожалиле дека поради повисоки царини за одредени репроматеријали нивните производи губеле на конкурентност, или во спротивност нема да може да го продолжат проширувањеро на планираните дополнителни инвестиции.
Дел од германските инвеститори деновиве оствариле средба со министерот за финансии Тевдовски - фото: Патрик Мартенс, директор на делегацијата на Германското стопанство во Македонија. Царинските стапки биле за 15 отсто повисоки во однос на просекот на ЕУ, а и процедурите биле сложени, велат извори од Германската комора.
Деновиве тие оствариле средба со министерот за финансии Драган Тевдовски, пред кого ги изложиле своите конкретни предлози за промена на одредени царински стапки:
„Дел од присутните компании планираат проширување на своите инвестиции, но првично ќе почекаат на намалување на царинските тарифи. Тие се жалат дека царините ги прават неконкурентни и во такви услови не можат пред своите централи да образложат зошто би ја прошириле инвестицијата во Македонија и би отвориле нови работни места. Сметаат дека Македонија на ваков начин ја губи конкурентноста“, велат од Германската комора.
Засега овие инвеститори ја плаќаат само царината, бележењето на влез-излез, снабдувањето со гас, закупот за деловен простор во зоните и придонесите, а допрва им истекува рокот по кој повеќе не ќе можат да го избегнуваат обврската за данок на добивка и персоналниот данок на доход.
Можеби ќе ве интересира
„Лидл“ за секој вработен во Македонија троши по 3.000 евра месечно
Давор Сакач, директор на Telekom Srbija Ventures Fond: Половината стартапи во кои инвестиравме се засновани на развојот и имплементацијата на ВИ
ФАКТОР АНАЛИЗА: Најуспешни компании во Градот на Гемиџиите - фамилијарен бизнис направи топ-добивка од „амбалажа“ за храна
Светски инвеститори со интерес за македонските стартапи
ФАКТОР АНАЛИЗА: Скопските ИТ компании доминираат со направените добивки кај програмерите
ЕКОНОМСКИ НАПРЕДОК: За две децении 10-те „нови членки“ на EУ го удвоија својот БДП
„Ќе забават инвестициите на германските компании во Македонија“: бизнис климата ја оценуваат како добра, но недостига стручен кадар
ФАКТОР АНАЛИЗА: Најголеми компании по добивка во Струмица - Панче Заев и Г'на дебитанти
ИЗМАЧУВАЧКО БАВНО ЗАКРЕПНУВАЊЕ: Европската комисија ја намали економската прогноза за Германија
