КОНЕЧНО НЕМА ДА МОЖЕ ДА КИДНАПИРА И СИЛУВА ДЕЦА - доживотна казна за малчанскиот берберин

Добивај вести на Viber

Човекот кој го предизвика гневот на цела Србија, но и пошироко во регионот, Малчанскиот берберин, доби доживотна робија. Нинослав Јовановиќ беше осуден на доживотна казна затвор поради грабнување и злоставување на 12-годишно девојче.

Јовановиќ одби да присуствува на изрекувањето на пресудата, но во судот беа родителите на неговата последна малолетна жртва.

Нинослав Јовановиќ, познат како Малчанскиот берберин, беше осуден на 11 години затвор за киднапирање на 12-годишно девојче, додека за силување во продолжено траење е осуден на доживотен затовр, па како единствена казна му е изречена токму доживотен затвор.

Малчанскиот бербер прекарот го доби поради својата свирепа потреба жртвите да ги шиша пред да ги силува. Повеќе од 20 години од својот живот ги поминал зад решетки, а секојпат кога ќе излезе на слобода, го повторувал кривичното дело.

Кога девојчето сфатило дека не одат кон училиштето, Јовановиќ ја заплашил и ѝ се заканил дека ќе и ги убие родителите. До тој момент никој во Србија не знаел дека девојчето е киднапирано. Полицијата и жандермеријата потоа го пребаруваа целиот крај, а петтиот ден е побарана помош од граѓаните, а објавена беше и неговата фотографија за да се олесни потрагата.

Во селото Орешац е пронајдена куќата во која е ишишано девојчето. По неколу дена во друго село е пронајдено девојчето, истепано и во модринки. Фатен е на 5 јануари 2020 година на гробиштата во своето родно место Малча.