Комитова вели дека траги од истекување на гориво има на 300 метри од местото каде се запали македонскиот автобус
Објавено во: Македонија 01 Декември, 2021
Бугарските медиуми објавија нови информации за автобуската несреќа која во ноември се случи во Бугарија, каде се запали македонски автобус и загинаа 45 луѓе.
Траги од истекување на гориво се гледаат на 300 мести од местото на несреќата каде изгоре македонскиот автобус на патот „Струма“ во Бугарија, констатирала инспекцијата на ресорното министерство, објаснила министерката за регионален развој на Бугарија, Виолета Комитова во емисија на бугарската Нова ТВ.
Таа потсетува и дека за овој пат не е завршена целосна експропријација на земјиштето, како и дека според проектот максималната дозволена брзина на делницата треба да е 90 километри на час, а не 120 како што била поставена. Teлата на загинатите деновиве авионски ќе бидат донесени во земјава.