09 Март, 2021
0.0217

Колку години ќе постат акционерите на најголемиот производител на сувомесно?

Објавено во: Финансии 01 Декември, 2020

Втора во низа „уникатна“ копроративна постапка на Кутревски, најголемиот акционер и прв главен извршен директор на „Пекабеско“. Откако си додели сам на себе менаџерска награда од 1,2 милиони евра, а очајни акционери го дадоа на суд зашто не поделил дивиденда излезе со „соломонско решение“. Им порача на акционерите: не чекајте дивиденди до 2027 година, имаме кредити за враќање! 

Доминантниот газда на „Пекабеско“ Слободан Кутревски повторно направи преседан со кој ќе влезе во македонската корпоративна историја. Ова е втор потег по кој ќе остане запаметен. Кутревски влезе во „алејата на корпоративните укинат-великани“ откако пред две години направи преседан со тоа што како најголем акционер сам на себе во својство на главен менаџер си додели менаџерска награда од 1,2 милиони евра, а сите други акционери не добија ниту денар дивиденда. Дури и тужеа за тоа, но се што беше како епилог од пресудата беше да си платат судски трошоци затоа што Кутревски не ја згрешил работата.

Вчера на берзанскиот информативен портал осамна информација од Одборот на директори на директори во „Пекабеско“ во која пишува дека Одборот на директори на „Пекабеско“ во периодот од 2020 година до 2027 година нема да предлага да се дели дивиденда на акционерите и тоа е одлука во форма на Дивидендна политика на „Пекабеско“ за период 2020-2027 година. Многу јасно дефинирана дивидендна политика на компанија. Предлогот шт го прифатиле едногласно седумте члена на Одборот на директори го дава неговиот член Анатол Кутревски, близок роднина на Слободан Кутревски – најголем акционер кој поседува 79,7 отсто од акциите со право на глас во таа компанија кој воедно е и цитираме „Прв главен извршен директор“ на АД „Пекабеско“.

Образложението на Кутревски поддржано од сите други членови на Одборот на директори е тоа што компанијата има значајни инвестиции и вложувања преку кредитни линии кои во кои периодот 2020 – 2027 година допеваат за наплата и поради тоа тие не треба на акционерските собранија да доставуваат предлог-одлуки за распределба на дивиденда.

Во целост интегралниот текст на нивната одлука е достапен на следниот линк https://www.seinet.com.mk/Default.aspx?lang=MK&docID=52982 на кој може да ја прочитате и содржината нивната политика за дивиденда. 

Повеќе на делата на акционерот и прв главен извршен директор Слободан Кутревски може да прочитате на следниве линкови https://faktor.mk/sudot-presudi-koj-gi-trkala-malite-akcioneri-kutrevski-so-alal-da-gi-troshi-12-milioni-evra-menadzerska-nagrada

Спие ли мирно Слободан Кутревски?

Можеби ќе ве интересира

Исплатени се 23,5 милиони евра од Ковид 3, досега одобрени се вкупно 2.122 корисници со 16.009 вработени

Исплатени се 23,5 милиони евра од Ковид 3, досега одобрени се вкупно 2.122 корисници со 16.009 вработени

Алкалоид ги израдува акционерите и пазарот: Дивиденда од 360 денари по акција, 11 отсто повисока од лани

Алкалоид ги израдува акционерите и пазарот: Дивиденда од 360 денари по акција, 11 отсто повисока од лани

Платежни сметки со основни функции за сите граѓани: Законски новини

Платежни сметки со основни функции за сите граѓани: Законски новини

НОВОТО ИМЕ ЌЕ СЕ НАЈДЕ И НА БАНКНОТИТЕ ОД 100 И 2.000 ДЕНАРИ - но дури од средината на идната година

НОВОТО ИМЕ ЌЕ СЕ НАЈДЕ И НА БАНКНОТИТЕ ОД 100 И 2.000 ДЕНАРИ - но дури од средината на идната година

Фактор дознава: Македонија денеска ја издава новата еврообврзница

Фактор дознава: Македонија денеска ја издава новата еврообврзница

Директорот Арсовски купи нови акции во ТТК банка

Директорот Арсовски купи нови акции во ТТК банка

Генерали инвестментс: Инвеститорите со долгорочни цели на заштеда треба да истраат

Генерали инвестментс: Инвеститорите со долгорочни цели на заштеда треба да истраат

ЛИХВАРИ МОЖАТ ДА СЕ ПРИЈАВАТ НА АНОНИМЕН БРОЈ - казни затвор и до три години

ЛИХВАРИ МОЖАТ ДА СЕ ПРИЈАВАТ НА АНОНИМЕН БРОЈ - казни затвор и до три години

ДОДЕКА ГОЛЕМИТЕ КИНАТ НЕРВИ - малите штедачи од Еуростандард се уште не си подигнале девет милиони евра

ДОДЕКА ГОЛЕМИТЕ КИНАТ НЕРВИ - малите штедачи од Еуростандард се уште не си подигнале девет милиони евра