Кој е новиот лидер на Талибанците во Авганистан?
Објавено во: Свет 25 Мај, 2016
Талибанците во Авганистан избрале нов лидер кој ќе го наследи мула Ахрат Мансур, убиен во напад на американско беспилотно летало минатата недела.
Новиот лидер е Хаибатул Ахунџад, еден од двајцата заменици на Мансур. Тој ги предводеше Талибанците од минатото лето кога беше потврдена смртта на мула Мухамад Омар, убиен две години порано. Американски претставници сметаат дека Мансур бил главна пречка за мировниот процес што е прекинат кога тој годинава одби да учествува на преговорите.
За заменици на новиот лидер на Талибанците се избрани Сираџудин Хакани, шеф на мрежата Хакани, обвинувана за многу бомбашки напади во авганистанската престолнина Кабул во изминатите години, и синот на покојниот мула Омар, мула Мохамад Јакуб.
Се смета дека пакистанските власти ги поддржуваат Талибанците во соседен Авганистан. Исламистичките бунтовници се борат од 2001 година, за да ја соборат владата во Кабул.