Кои професии ќе се бараат до 2025 година?

Добивај вести на Viber

Едно од најпопуларните професии ќе бидат специјалисти во управување со отпад. Како што пренесува францускиот весник Капитал, ситуацијата на пазарот на трудот значително ќе се менува до 2025 година. Некои работни места ќе бидат трајно избришани, како што веќе се случи со чевларскиот занает, на пример, додека други, како резултат на длабоки промени во општеството, ќе доживеат вистински бум, а ќе се појават и нови професии. Како што пренесува Б92, првиот носител на промените е животната средина, така што во полето на рециклирање и управување со отпад во следната деценија, локалните заедници и бизниси ќе вработуваат илјадници нови професионалци. Во енергетскиот сектор, на пример, според зборовите на одговорните од Алстом, францускиот енергетски гигант, ќе се бараат значителни заштеди. Еден од експертите во оваа компанија, Роберт План, вели дека на пример, фудбалскиот стадион во Париз чиј трансформатор работи во просек само еднаш неделно, во иднина, за време на паузите, ќе снабдува со струја електрични автомобили. Исто така, топлинската изолација, која во иднина, со цел да се заштеди енергија, ќе се вградува во сите нови живеалишта, ќе бара вклучување на голем број на експерти во оваа област. Уште еден сегмент чиј развој создава потреба за нови работни места е дигиталната технологија која ќе обезбеди нови можности за вработување за илјадници млади луѓе со дипломи, кои че знаат, пред се, од масата на информации да ги издвојат клучните податоци. Според зборовите на директорот на Институтот за статистика на Универзитетот Пјер-Мари Кири, Мишел Делекроа, токми овие експерти за дигитални технологии ќе бидат цареви на една нова ера. И третиот аспект на менување на пазарот на трудот е стареењето на населението. Според една студија спроведена во Франција, до 2020 година уште 160.000 луѓе ќе имаат работни места за нега на стари лица.