КИМ ПРЕДУПРЕДИ: Ќе ја дуплираме нуклеарната моќ

Добивај вести на Viber

Северна Кореја најави дека ќе ја зајакне својата „нуклеарна моќ“ како одговор на непријателската политика на Вашингтон, истакнувајќи дека е очигледно оти САД имаат намера да извршат инвазија на оваа земја под изговор дека таа ги крши човековите права. Некои земји членки на ОН во четвртокот апелирале на Советот за безбедност да се разгледа изведувањето на Северна кореја пред Меѓународниот кривичен суд поради злосторства против човештвото, врз основа на извештајот на ОН кој беше објавен во февруари, пренесува „Ројтерс“. „Бидејќи намерата на САД да изврши инвазија врз Северна Кореја е очигледна идејата за денуклеаризација на Корејскиот полуостров не е важечка“, соопштил портпаролот на министерството за надворешни работи на Северна Кореја за агенцијата „КЦНА“. Тој додал дека напорите да се зајакне одбрамбената воена моќ на Северна Кореја ќе бидат дуплирани. Истражувањето на ОН за ситуацијата во Северна Кореја резултираше со извештај за зголемените злоупотреби, вклучувајќи ги тука и затвореничките логори, системските мачења, изгладнуваа и убивања, кои може да се споредат со злосторствата од нацистичката ера.