Керемедчиев тврди дека Русија сака да ги наруши македонско - бугарските односи
Објавено во: Македонија 30 Јануари, 2023
Eкс бугарскиот заменик министер за надворешни работи Милен Керемедчиев, за БНР, изјави дека во пресрет на претстојните избори во Бугарија одредени партии ја користат тензијата во односите меѓу Софија и Скопје, за да се обидат да го подигнат својот рејтинг и популарност, што ги загубија во последните години.
„Дури и да се предизвикаат судири и немири, партиите, кои се сметаат за патриотски, одат со одредена цел. Тоа е дополнително да ги влошуваат односите меѓу Бугарија и Северна Македонија“, изјави Керемедчиев.
Вели дека тоа се партии кои имаат блиски контакти со Русија, но и со Србија.
„Зад овие провокации стои желбата за трајно наштетување на нашите билатерални односи“, рече Керемедчиев.
За повлекувањето на бугарскиот амбасадор Ангел Ангелов од Македонија, Керемедчиев изјави дека тоа е претпоследна мерка, а последна би била неговото отповикување. Се надева дека тоа нема да се случи.Дел од бугарските политичари заговараат и враќање на ветото за Македонија, откако имаше инцидент во Охрид, каде три лица истепале момче кое е секретар на бугарскиот клуб.