Каракачанов со нова провокација: Бугарија ќе каже „не“, Македонија не е искрена

Добивај вести на Viber

Нова провокација од бугарскиот вицепремир Красимир Каракачанов. Тој за „ТВ Европа“ изјавил дека Бугарија ќе каже дека не е време за меѓувладина конференција меѓу ЕУ и Македонија, и во моментов зборува во име на владата.

Според Каракачанов, бугарските власти ја усволиле „рамковната позиција“ минатиот октомври како резултат на непочитувањето на билатералниот договор од страна на Македонија.

„Бугарија нема да се спротивстави, но ќе каже дека не е време да се закаже датум за одржување на првата меѓувладина конференција. Во моментов зборувам во име на владата, потенцирал Каракачанов.

Каракачанов кој е и министер за одбрана вели дека Македонија имала три години време да се превоспита. Додава дека поранешниот министер за надворешни работи, Никола Димитров, три години не сторил ништо за подобрување на билатералните односи. 

„Овие луѓе немаат намера да водат искрен дијалог со Бугарија. Тие мислат дека можат да ги прикријат работите. Тие замислуваат дека некој во Брисел или низ целиот свет ќе ја притисне Бугарија и ние ќе клекнеме, вели Каракачанов.