Караџоски: Упатувам смирувачки тонови, едно лице не претставува ризик
Објавено во: Македонија 26 Февруари, 2020
Доктор Жарко Караџоски од Институтот за јавно здравје изјави дека жената кај која е евидентиран коронавирусот е од Скопје.
Тим со соодветна заштита ја посетил на Инфективната клиника.
На сите кои доаѓаат од Италија ќе им бидат поставени неколку прашања на граница, по што ќе бидат во изолација.
„Упатувам смирувачки тонови, едно лице не претставува ризик за нашето население“, вели Караџоски.
Тој додаде дека не може да се спречи трансферот на луѓе, капитал, стока во вакви моменти.
Премиерот Оливер Спасовски изјави дека пациентот е третиран во согласност со сите мерки и протоколи.
„Нема потреба од никаква хистерија, туку секој од нас да биде на висината на нашата лична одговорност“, вели Спасовски.
Уверува дека нема потреба од паника. Спасовски повика граѓаните да се придржуваат до препораките, но и да бидат општествено одговорни, и да не пласираат информации на социјалните мрежи кои можат да наштетат.
Во Македонија една жена е заразена со коронавирус. Ова е прв случај. Таа се заразила во Италија.