Каде Меркел ги пренасочува мигрантите?
Објавено во: Свет 23 Август, 2016
Германската канцеларка, Ангела Меркел ги повика членките на ЕУ и земјите од Северна Африка да склучат договори за враќање на мигранти по моделот на договорот со Турција во интервју за „Ноје Пасауер цајтунг“.
„Треба да договориме слични договори со други држави, како оние во Северна Африка, за да се подобри контролата на правците на бегалците во Средоземното Море"- нагласува Меркел.
Таквите договори се во интерес и на бегалците, додава канцеларката наведувајќи ги огромните ризици кои мигрантите ги преземаат кога го преминуваат Средоземното Море во нестабилни чамци, како и огромните суми кои ги плаќаат на шверцерите за опасното патување по вода.
„Подобро за нив е за безбедноста и тие имаат оправдани причини да останат во Турција, поблиску до своите родни места, каде културните и јазичните бариери се пониски"- вели Меркел.
Таа смета дека за ова прашање треба да се обезбеди трајно решение.