Јункер ја предупреди Турција: Враќањето на смрттната казна ја затвора вратата кон ЕУ

Добивај вести на Viber

Повторното воведување на смртната казна во Турција ќе биде еднакво на откажување од продолжување на преговарачкиот процес за присоединување кон ЕУ, изјави претседателот на Европската комисија, Жан-Клод Јункер во интервју за „Раинише пост“ објавено денеска , пренесоа агенциите. 

„Ако воведувањето на смртната казна се покаже нешто повеќе од реторика, тоа ќе биде еднакво на одбивање на Турција од европското семејство. Ова ќе е еднакво на крај на преговорите (за прием во ЕУ), бидејќи основа на нашата заедница се почитта кон демократијата, човековите права и меѓународното право. Овие вредности ја исклучуваат смртната казна“, рече Јункер. 

Претседателот на Европската комисија исто така, рече дека и покрај сегашните несогласувања меѓу Брисел и Анкара, се потпира на тесни идни односи со Турција. 

Според него, судбината на Турција е тесно поврзана со ЕУ. „Посакувам и во иднина да биде така“, посочи Јункер. 

На 16 април, веднаш по референдумот за уставни амандмани претседателот на Турција Реџеп Таип Ердоган изјави дека „неговата прва работа“ е да разговара со премиерот Бинали Јилдирим и со претседателот на опозициската Партија на националистичко движење, Девлет Бахчели за прашањето за враќање на смртната казна во практиката . 

Минатиот петок прес секретарот на германската влада Штефен Заиберт изјави дека СРГ ќе ги искористи сите законски средства за да не дозволи референдум по прашањето на своја територија.