Јункер: Државните граници се најлошиот изум на политичарите
Објавено во: Свет 23 Август, 2016
Државните граници се најлошиот изум, изјави претседателот на Европската комисија, Жан-Клод Јункер, цитиран од CNBC.
Неговиот коментар е во контекст на желбата на многу земји во Европската унија да ги затегнат пограничните контроли по терористичките напади и прилив на бегалци и имигранти.
Во својот говор за време на конференција во Виена Јункер изјави дека треба да се пројави солидарност со бегалците и нивните деца. „Границите се најлошите изум, измислен некогаш од политичарите“, рече тој.
На коментарите имаше навремена реакција од страна на британската влада. Портпаролот на премиерот Тереза Меј изјави пред новинарите дека „тоа не е нешто со кое премиерот би се согласил“.
„Британците сметаат дека границите се важни, важно е и да има повеќе контрола над нив и тоа е проблем со кој треба да се справиме“, вели уште портпаролот на Меј.
Швајцарскиот министер за финансии Јули Маурер изјави дека Германија ја затегнува контролата на границата со Швајцарија. До мерката дошло по раст на бројот на мигранти кои минуваат од Швајцарија до Германија и откако имало зајакнување на контролата на швајцарско-италијанската граница.
Бројот на баратели на азил од Сирија во Европа продолжува да расте, но останува низок во споредба со оној во соседните земји како Турција. Над 1 милион Сиријци поднеле документи за добивање азил во Европа во петте години до јуни 2016 година, покажуваат податоците на ОН.
По неколку терористички напади во Франција, претседателот Франсоа Оланд ја истакна потребата од зајакнување на контролата на границите и споделување на разузнавачки информации.
„За да имаме безбедност, ни требаат граници кои се контролираат, на кое нешто работиме, со локација на крајбрежна и гранична стража“, рече Оланд во понеделникот по средбата со германскиот канцелар Ангела Меркел и италијанскиот премиер Матео Ренци.
Можеби ќе ве интересира
Стратегија за надминување на проблеми со недостиг на лекари специјалисти, бара научната фела
За оваа овошка сигурно не сте ни слушнале, а донесува одлична заработка: Цената е 5 евра за кг, а е се популарна во Европа
Спектакуларна кражба на криптовалути во САД: Студенти од престижен универзитет украле 25 милиони долари за 12 секунди
Живееме се подолго, тврди нова студија: Глобалниот животен век во 2050 година ќе биде - 78,2 години
Ова е директорот со најголeм бонус во светот! Го частеа повеќе отколку што му е годишната плата-причината 100 отсто оправдана!
Шок сцена во Парламент: Пратеник украде важни документи од опозицијата, а потоа настана општ хаос (ВИДЕО)
Франција изгуби контрола над делови на Нова Каледонија: На островот одекнуваат истрели и експлозии (ВИДЕО)
Советот на Европа го усвои првиот меѓународен договор за вештачка интелигенција
„Кина е клучниот снабдувач во светот“: Светската индустрија тешко ќе се одвикне од производството на истокот, еве зошто
