Јаким Неделков задоволен од средбата со новата министерка Стефоска: Јулските плати во текот на наредните денови
Објавено во: Македонија 02 Септември, 2020
Јаким Неделков, претседателот на Синдикатот за образование, наука и култура објави дека е задоволен по средбата со новата министерка за култура Ирена Стефоска и дека јулските плати за културните работници од театрите, балетите, музеите и другите установи ќе започне да се исплаќа наредните денови.
„Првата работна средба на СОНК со министерката за култура на која што учествуваше и СКРМ, ја оценуваме како конструктивна и успешна. Проблемот со неисплатената плата за месец јули во установите од културата е надминат. Сите установи кои ги имаат изготвено платите по новиот Колективен договор ќе се исплатат веднаш, односно во текот на наредните денови. Останатите, ќе земат плата кога ќе имаат доставено потполна документација до министерството. Проблемот е лоциран и трајно надминат, во наредните месеци нема да постои никаква пречка за редовно исплата на плата и придонеси на плата“, објави првиот човек на СОНК.
Илјадници културни работници се уште ја немаат добиено јулската плата поради недоразбирањата со Владата околу новиот Колективен договор кој во меѓувреме го затекна корона-кризата.