ЈА ПОКРИЛЕ „СЕВЕРНА“ НА АВТОБУСОТ - „досетка“ на ракометарите
Објавено во: Македонија 10 Јануари, 2020
Македонските ракометари ја избришале додавката Северна која стоела пред Македонија, на автобусот со кој се возат на Европското првенство во Австрија кое почна вчера, објави порталот Република.
Претходно, како што пишуваат од порталот, тоа го стори македонскиот голман Борко Ристовски, кога на подготовките во Словенија ја покри Северна пред името на нашата држава.
На автобусот што им е даден на користење на избраниците на селекторот Данило Брестовац, пишува North Macedonia, името кое го налага и ЕХФ, но ракометарите, се наведува во текстот, се сетиле да ја покријат North ставајќи македонско знаме токму над додавката.
Фото Република
Па сега на автобусот пишувало само Team Macedonia, како што беше случај на сите првенства досега.
Фото Ракометна федерација на Македонија