Израел ликвидира воен лидер на „Хезболах”
Објавено во: Свет 13 Мај, 2016
Воениот командант на Хезболах, Мустафа Бадредин е убиен во голема експлозија во близина на аеродромот во Дамаск.
Ова го соопшти утринава либанската шиитска групација. Информациите од првичната истрага покажуваат дека голема експлозија одекнала во близина на меѓународниот аеродром на Дамаск. Повеќе лица се ранети.
Шиитската групација додава дека работи на тоа да ги утврди причините за експлозијата и дали таа е резултат на воздушен, ракетен или артилериски напад.
Роден е во 1961 година и се смета за еден од клучните лидери на военото крило на „Хезболах".
Бадредин учествуваше во воените операции на „Хезболах“ од 1982 година е и еден од петмината обвинените од Специјалниот трибунал на ОН за Либан за убиствтото на 2005 година на поранешниот либански премиер Рафик Харири, но не беше изведен пред суд.