ИЗГОРЕ КУЌА ВО ОХРИД - страшен пожар избувна ноќеска во населбата Кошишта (ВИДЕО)
Објавено во: Македонија 18 Март, 2024
Пожар во текот на ноќта избувнал во станбена куќа во охридската населба „Кошишта“.
За пожарот во 00:35 часот била информирана Територијалната противпожарна единица од Охрид, од каде веднаш биле испратени четири противпожарни возила заедно со седуммина пожарникари. Како што јави МИА, пожарот бил во куќа на улицата „Андон Дуков“.
Благодарение на навремената интервенција спречено е проширување на пламенот од опожарената куќа на останатите објекти во близина.
Освен настанатата материјална штета нема повредени лице во пожарот.
Причините за избувнувањето на пожарот допрва треба да ги утврди истрагата.
На социјалните мрежи се споделува видеото од пожарот кое го објави „Охрид вест“, кои првично објавија дека пожарот се случил во куќа на улицата Гоце Делчев во 1 часот ноќеска, при што укажаа дека се стравува од проширување на пожарот и опасност да бидат опожарени и соседните куќи.
Фото: Принтскрин/Фејсбук