Италијански економисти удрија по Европа: Се губат сите вредности, таа станува Четврт рајх

Добивај вести на Viber

Eвропа ја тресе сериозна економска и политичка криза. Во име на глобализацијата укинати се не само географските и моралните граници. Влеговме во епоха на неизвесноста. Се бришат разликите помеѓу културите, вели италијанскиот економист Алберто Банјаи.

Како Европа се најде насред економска криза, чии последици сега мора да ги плаќа Италија: Се почнало во '60 -тите и '70тите, кога во земјата е забележан економски пад, кој веднаш се одразил и на демографската ситуација.

Како, од друга страна,земјата може да напредува ако има се помалку население? Дополнителен удар Италија преживеа кон крајот на 90-тите години и подоцна кога се појави еврото кое со себе го повлече процесот на деиндустријализација. Конечно, Италија ја дотолчи кризата од 2008 година, кога САД национализираа долгови на приватни лица, дуплирајќи ги така државните долгови.

За суверенитетот и политичката перспектива на Италија , на чија територија, не забораваме, се наоѓаат 90 атомски бомби на НАТО, Спутинк разговарал со економистот Алберто Банјаи.

Тој тврди дека суверенитетот на европските држави го бришаат транснационалните компании кои го преземаат на себе. Италијански економист ја наведува и улогата на медиумите, кои кај населението ја потврдуваат таа теза, со самото тоа, како вели, за суверенитетот на Италија не може да стане ни збор.

„Односите помеѓу големиот газда - САД и неговиот локален претставник Германија, се менуваат, а Италија би требало да ја искористи ситуацијата како би ги договорила најдобрите можни услови за нашата земја. Имајќи предвид дека Италија не е независна, би можела или да се движи кон ЕУ, која веќе станала нешто како „Четвртиот рајх“, што не им се допаѓа на Американците, или може да поврати барем мал дел од автономијата, договарајќи се за тоа со Русија и САД. Приближувањето на односите на САД и Русија воопшто не мора да биде негативна појава. Се е подобро од војна и фрлање на атомски бомби на непријателот“, рекол Банјаи за спутник.

Новинарот Марчело Венецијани, од друга страна, вели дека границите на територијата на Европа денес исчезнуваат. Мислата на новинарот со себе носи контрадикторност-прашањето за економски и политички суверенитет стануваат многу важни и предизвикуваат многу дискусии.

Венецијани го истакнува фактот дека границите се важни, како и дека сега е неопходна таква владеачка елита која би можела не само да победува на изборите, туку и реално да управува.