Италија ќе бара одговорност за жртвите во земјотресот
Објавено во: Свет 28 Август, 2016
Во Италија ќе се бара одговорност за големиот број жртви во земјотресот кој се случи деновиве во централниот дел на земјата.
Во катастрофата загинаа скоро 300 луѓе во три гратчиња. По земјотресот околу 2,500 луѓе останаа без своите домови.
Ќе се провери дали компаниите ги игнорирале анти-сеизмичките правила кога ги реставрирале јавните згради.
Училиште и црковна кула кои се урнаа минатата недела, биле градени наводно според високи анти-сеизмички стандарди, веднаш по катастрофата во Аквила во 2009 година. Во основното училиште во Аматриче загинаа 224 луѓе од вкупно 291.
„Сите се сомневаат дека трагедијата не е само прашање на судбина. Наша должност е да провериме дали исто така имало и одговорност, или човечка грешка“- вели Џузепе Саиева, главен обвинител во Риети, град северно од Рим, кој ја води истрагата.
Според Гардијан, судиите ќе го испитуваат и реконструирањето на кулата на една црква во Акумоли, град во близина на Аматриче, кој е во епицентарот на земјотресот. Четворица, кои биле дел од исто семејство починале на лице место откако кулата им се урнала над нивниот дом. И оваа градба исто така била реконструирана според анти-сеизмички стандарди со помош на јавни средства дадени по земјотресот во 1997 година во централна Италија.
Сопствениците на домови кои ангажирале компании кои не ги почитувале стандардите може да добијат компензација, а граѓаните на Аматриче кои граделе екстензии или правеле големи реновирања без да ги почитуваат стандардите, може да бидат обвинети за одговорност.
Премиерот, Матео Рензи и нареди на антикорупциската агенција на Италија, да ги следи фондовите доделени за реконструкција на домовите.