ИСТРАГАТА ЗА „РЕКЕТ“ ЗАВРШЕНА: Боки 13 прво ги сака доказите против него а потоа можеби ќе даде исказ

Добивај вести на Viber

Главниот осомничен во аферата „Рекет“ Бојан Јовановски, денес реши со молчење да го помине исказот во скопското обвинителство за организиран криминал и корупција.

Јовановски, денес пред обвинителката Вилма Рускоска одби да се изјасни поради, како што соопшти неговата одбрана, немал увид во доказите против него.

Одбраната на Јовановски, и тој ќе имаат шанса од среда во 12 часот да го почнат прегледот и увидот во доказите кои ги поседува обвинителството, па потоа ќе даде свој исказ.

Адвокатот на Боки, Сашо Дуковски, изјави пред медиумите дека овој случај го воспоставил досега најнегативниот преседан во македонското правосудство, и дека ова е прв пат осомничен да биде повикан да даде исказ, а во истовреме и да биде известен дека истрагата е завршена.

Oд ОЈО преку соопштение информираа дека истрагата за „Рекет“ е завршена.

-По севкупната анализа на прибраните материјални и вербални докази, надлежниот обвинител од Основното јавно обвинителство за гонење на организиран криминал и корупција што постапува во предметот познат во јавноста како „Рекет“, ја заврши истражната постапка за осомничените лица. Од денес тече рокот од 15 дена за увид во доказите за првоосомничените лица и правото на одбраната да предлага докази во корист на осомничените-велат од обвинителството.

Имено додаваат дека лице кое е осомничено може да даде исказ и во рокот кога се врши увид во доказите.

Утре пак е повикана третата осомничена во случајот Катица Јанева на која исто така ќе и соопштат дека истрагата е завршена.