Испораките на руски гас за Кина се зголемени за 63,4 отсто
Објавено во: Економија 02 Јули, 2022
„Газпром“ ја зголеми испораката на гас во Кина преку гасоводот „Силата на Сибир“ за 63,4 отсто во првата половина на 2022 година, објави денеска рускиот холдинг за гас.
„Извозот на гас во Кина преку гасоводот Моќта на Сибир расте во согласност со долгорочниот билатерален договор меѓу Гаспром и Кинеската национална нафтена корпорација.
Важно е да се напомене дека испораките на руски гас за Кина преку тој гасовод се зголемиле за 63,4 отсто“, се наведува во соопштението на Газпром, пренесува Тас.
Во 2021 година, Гаспром испорача 10,39 милијарди кубни метри гас во Кина преку гасоводот „Моќта на Сибир“, се вели во годишниот извештај на холдингот. Тој волумен е 2,5 пати поголем од испораките во 2020 година, кои изнесуваа 4,1 милијарди кубни метри гас.
Гасоводот „Моќта на Сибир“ е најголемиот систем за транспорт на гас во источна Русија. Извозниот капацитет на тој гасовод достигнува 38 милијарди кубни метри гас годишно. Првите испораки на гас за Кина преку таа „источна“ рута започнаа во декември 2019 година, според 30-годишниот договор склучен во 2014 година меѓу Гаспром и кинеската ЧНПЦ.
Годишниот обем на испораки на гас е 38 милијарди кубни метри, а вредноста на договорот е 400 милијарди долари.
Гаспром, исто така, објави дека го намалил производството на гас во првата половина на 2022 година за 8,6 отсто, односнона годишно ниво на 238,4 милијарди кубни метри.
Просечниот дневен извоз на Гаспром во јуни бил за четвртина помал од мај и изнесувал 263,3 милијарди кубни метри, се наведува во соопштението на холдингот.