ИСЛАМСКА ДРЖАВА: После деца убијци и жени бомбаши сега праќаат и кокошки самоубијци!
Објавено во: Свет 21 Јули, 2015
После децата егзекутори и жената бомбаш, џихадистите на Исламската држава наводно почнале да користат и кокошки како мобилни импровизирани експлозивни направи.
Фотографиите на таканаречените „кокошки самоубијци“ масовно ги споделуваат на интернет корисниците кои се за и против ИСИЛ, иако нивната автентичност не може да биде потврдена.
Џихадистите наводно врзуваат експлозивни појаси на кокошките, кои потоа ги насочуваат да одлетаат во правец на непријателски логори. Кога влезат во домет за напад, џихадистите со далечинско го активираат експлозивот и ги убиваат сите кои се наоѓаат во близина.
„ИСИЛ ќе ги искористи сите можни средства да предизвика смрт и разорување. Употребата на животни има мала воена вредност - тоа е само уште еден пример како нивните изопачени умови смислуваат бизарни начини да убиваат луѓе“, рекол за Дејли Меил неименуван Британец кој се бори на страната на курдските војници во регионот за тој весник.
Пред неколку дена се појави извештај дека ИСИЛ врзале импровизирана бомба за една коза, која била пратена во курдска база во сирискиот град Кобане.