„Исламска држава“ ја презеде одговорноста за нападот кај Москва
Објавено во: Свет 19 Август, 2016
„Исламска држава“ ја презеде одговорноста за нападот врз сообраќајната полиција крај Москва.
Двајцата напаѓачи беа убиени, а повредени се двајца полицајци. Терористичката организација се огласи со изјава преку новинската агенција Амак.
„Двајца милитанти на „Исламската држава“ нападнаа руски полицајци во реонот Балашиха, источно од Москва" - се наведува во соопштението.
Рускиот истражен комитет информира дека двајца неидентификувани мажи вооружени со огнено оружје и секири ја нападнале сообраќајната полиција во близина на Москва. Едниот бил застрелан, а другиот бил убиен при обид да покаже вооружен отпор.
Во нападот се повредени двајца полицајци, од кои едниот - тешко.