Исламистите во Европа - радикализирани фанатици или обични криминалци?

Добивај вести на Viber

Над половина европски исламисти имаат криминално минато и се приклучуваат на групата „Исламска држава“, бидејќи им се ветува „искупување“, пишува британскиот весник Индипендент, повикувајќи се на извештај на Меѓународниот центар за истражување на радикализацијата при Кралскиот колеџ во Лондон.

Извештајот покажува дека криминални и терористички мрежи во Европа се спојуваат, создавајќи опасен вид џихадисти, за кои насилството не е само религиозен стремеж, туку начин на живот.

Директорот на Центарот и експерт за тероризам Петер Нојман вели дека новата „криминално-терористичка поврзаност“ прави потешко за европските служби за безбедност да го откријат радикализирањето.

Многу аналитичари продолжуваат да тврдат дека терористите потекнуваат од средната класа или уште повисоки социјални средини.

„Осама бил Ладен беше син на милионер, а терористите од 11 септември беа студенти, пример. Според мене треба да се преиспита својата стратегија“, забележува тој.

Според Нојман многу од службите за безбедност продолжуваат да очекуваат радикализираните млади луѓе да го променат своето однесување и да постапуваат „религиозно“, веројатно со пуштање на брада или промена на начинот на облекување.

Кај некои промената навистина е видлива, но кај други - не.

Во базата на податоци на Центарот многу од европските борци продолжуваат да пушат, да пијат и да се дрогираат дури до заминувањето за териториите контролирани од т.н. „Исламска држава“, објаснува тој.

Нојман наведува дека 2/3 од џихадистите опфатени со истражувањето на Центарот, имаат не само криминално минато, туку делата нивни се поврзани со насилство. Во европските земји, каде што нивниот број се знае, повеќе од половина од борците на ИД биле познати на полицијата.

Криминалците имаат морално оправдување да прават нешто што секогаш го правеле, сега сепак со ветување да одат на небото, нагласува Нојман.

Извештајот на центарот за проучување на радикализацијата има документирано неколку случаи во кои управата на затворот не знаела за постоењето на радикализација во на нив доверената институција или сигналите биле игнорирани од службите за борба со тероризмот, вели директорот на центарот.

Еден од големите случаи е мрежата, која ги извршила нападите во Париз и во Брисел, додава тој.