ИСКУСТВО ШТО ВРЕДИ: Што научив од еден викенд со мултимилионер

Добивај вести на Viber

За градењето на успешен бизнис е потребно навистина многу.

Најдобрите претприемачи започнуваат со идентификување на проблем, а потоа креирање на ефективни решенија. Ако сакате да туркате напред, исто така, ќе ви биде потребен работлив дух и способност да останете еластични за време на невоља.

Но што доаѓа следно?

Дастин Маерг неодамна имал можност да учи од еден од најдобрите. Дастин, наградуван проект менаџер, поминал викенд со успешен претприемач кој го израснал својот бизнис од еден вработен на повеќе од 10.000. Овој неверојатен раст и успех на неговиот бизнис резултирал со богатство поголемо од $200 милиони. (За да биде поедноставно, претприемачот, чие име Дастин не го открива во неговиот пост, ќе го наречеме г-дин Грин.)

Оригиналниот пост на Дастин можете да го прочитате тука, додека овде се извадени некои од клучните моменти:

Совршенството го убива прогресот.

Кога г-дин Грин ја основал својата компанија, немало стратешко планирање. Немало бизнис план. Немало убаво лого.

Во суштина, немало вистинска визија.

Но, тоа не го спречило да се движи напред. Започнал со проблем, понудил решение и никогаш не погледнал назад.

Заклучокот: Планирањето е од корист, но избегнувајте аналитичка парализа. Ако вашата идеја решава проблем на пазарот, стартувајте!

Преземајте еден чекор по друг. Но, продолжете да се движите.

Грин ја започнал својата компанија во една индустрија, но завршил во друга.

Како што Дастин објаснува:

"Тој немал стратешки план за поседување на бизнис кој се состоел од 10.000 плус лица. Една работа водела до друга. Всушност тој го започнал својот бизнис во различна индустрија од онаа во која завршил. Преземајте еден чекор по друг, бидете агилини и продолжете да се движите."

"Откако еднаш веќе воспоставил локален печат, почнал да бара работа на периметарот на локалниот печат. Тој ќе направел мал круг и го растел тој круг малку по малку."

"Резултатот бил клиенти во повеќе од петнаесет [американски] држави."

Заклучокот: Немојте да бидете обземени од големи соништа. Преземајте еден чекор по друг и адаптирајте се што е можно побрзо.

Не се перчете.

Откако неговиот круг почнал да расте и основата на неговиот бизнис пораснала од локален на 15 државен регион, Грин ја сватил потребата од купување на авион.

"Наместо да направи големо купување и конзумирачки долг, тој започнал со дво-патнички авион. Потоа бил четири-патнички, а сега девет-патнички. Иако тој имал доволно пари за да купи поголем, тој никогаш не се пречел."

Заклучокот: Освен ако сакате растот на компанијата да биде краткотраен, важно е да трошите внимателно.

Учете од конкуренцијата.

Во еден момент, Грин работел за период од една година како подизведувач за врвен конкурент. Зошто да не ја искористи истата стратегија за сопствниот бизнис? Тој го сторил тоа и дошол до 20% пораст во приходите.

Покрај тоа, Грин постојано бил во чекор со конкуренцијата т.е. внимателно следел на кои пазари влегувале неговите конкуренти. Ако тие успевале да најдат начин да го рационализираат влегувањето на тие пазари, тој ќе го сторел истото.

Заклучокот: Немојте само да ја копирајте конкуренцијата; учете од неа. Земете го она што тие го прават и најдете начин да го направите подобро.

Изградете повеќе извори на приходи.

Грин заработил милиони долари од неговата оригинална бизнис идеја. Тогаш тој искористил тие пари за да создаде дополнителни извори на приходи преку берзата, ангел инвеститори и недвижен имот. Овие дополнителни извори на приходи завршиле давајќи многу повеќе од оригиналната компанија.

Заклучокот: Потребни се пари за да се направат пари.

Ставањето на сите ваши јајца во една кошница станува проблем кога кошот ќе се скрши. Ако вашиот бизнис е успешен, мудрото инвестирање може да доведе до поголем профит.

Најдобриот дел

Викендот на Дастин било големо искуство за учење, но она што тој го сметал како највредно за споменување кај г-дин Грин е допадливата и скромна личност на неговиот нов ментор. И покрај неговиот финансиски успех, Грин немал премногу високо мислење за себе и бил желен да го сподели она што тој го знаел. А тоа се всушност квалитетите кои ќе ве направат вистински богати.