Иран и Франција со обид да ги рестартираат односите
Објавено во: Свет 29 Јули, 2015
Министерот за надворешни работи на Франција, Лоран Фабиос изјавил по пристигнувањето во Иран дека е време да се заживеат односите меѓу двете земји, откако завршил нуклеарниот договор кој овозможува таква промена, цитиран од „Франс прес“.
„Ова е важна посета“, изјавил Фабиос за новинарите во француската амбасада во Техеран.
Францускиот топ дипломат зазема цврст став во преговорите со Иран. Тој беше остро критикуван од иранските медиуми, кои го нарекуваа „пречката“ во целосниот успех на разговорите за нуклеарната програма на Исламската република.
Признавајќи дека треба да се заврши многу работа за да се подобрат односите меѓу Техеран и Париз, Фабиос истакнал дека двете земји можат да добијат од последниот дипломатски развој.
Ние сме две големи, независни земји, две големи цивилизации. Вистина е дека во изминатите години, причините му се познати на секој дека односите ни се оладија, но сега благодарение на нуклеарниот договор работите можат да се променат, објаснил францускиот дипломат.
Опишувајќи ја еднодневната посета на Иран како можност за обновување на врските, „особено во економската сфера, бидејќи има многу работи кои можеме да ги направиме заедно“, тој не пропушти да ги спомене и клучните разлики.
Постојат голем број на поени, на кои имаме разлики, изјавил тој, мислејќи на регионалните конфликти во Сирија, Јемен и одбивањето на Техеран да го признае Израел.
Фабиос се среќава со иранскиот колега Мохамед Џавад Зариф и со претседателот Хасан Рохан. За време на средбата со Рохан тој ќе му обезбеди писмо од францускиот претседател Франсоа Оланд. Министерот за надворешни работи на Франција изјавил дека Оланд го поканува Рохан во Франција.