Иран целосно забрани тргување со долари
Објавено во: Економија 02 Март, 2018
Централната банка на Иран ја наметна владината одлука повеќе тровците да не го користат американскиот долар при нивните нарачки на производи бидејќи нема да им бидат прифатени на царина. Една од причините поради кои се забранува тргувањето со долари е пазарната флуктуација на американската валута, па така трговците и увозниците ќе мора да прават договори со своите набавувачи во други меѓународни платежни валути.
Од министерството за трговија, рударство и индустрија посочуваат дека оваа одлука на владата нема да предизвика големи последици врз иранската економија бидејќи и досега иранските компании имале ограничен допир со доларот поради строгите американски санкции наметнати врз Иран.
Така и многу американски банки не смејат директно да работат со иранските бизнисмени или компании и на тој начин употребата на американските долари во Иран и не е на премногу високо ниво.