„Индипендент“: Велика Британија ќе гласа во јуни 2016 година за излез од ЕУ
Објавено во: Свет 26 Јули, 2015
Премиерот на Велика Британија Дејвид Камерон планира да одржи референдум за излез на земјата од Европската унија во јуни 2016 година, пишува весникот „Индипендент“.
Камерон има намера да ја искористи сегашната внатрешна и надворешна политичка ситуација, па на крајот Велика Британија да остане во ЕУ, но во исто време да постигне голем број на барања на Лондон кон заедницата.
Во 2016 година ќе се зголемат шансите на Камерон за презентација на еден доста ограничен пакет реформи во ЕУ и за избегнување на економските ризици кои ја загрозуваат Британија во случај на излегување од ЕУ. Спроведувањето на овој референдум до крајот на 2017 година беше едно од предизборните ветувања на британскиот премиер.
Според извори, цитирани од „Индипендент“, британската влада била „екстатична“ од ситуацијата со Грција и според нив сличен референдум би гарантирал реформите.
Анкетите покажуваат дека поддршката за зачувување на членството во ЕУ е најголема од четвртиот век.