Имате еден ден да се пријавите: Шкотска фирма нуди „слатка работа“!
Објавено во: Мои пари 02 Декември, 2015
За оваа работа не се бара никаква посебна биографија, а потребно е само да имате уста и да сакате благо.
Во прашање е работа за дегустатори на чоколади во една фабрика во Шкотска.
„Може секој да се пријави, без разлика на возраста и претходното работно искуство. Се што бараме е да сакате чоколадо“, рекла Карин Хајхао, портпарол на фабриката за чоколади Mackie's.
Фирмата во април следната година ќе отвори нови погони за производство па им се потребни дегустатори за чоколадо. Сите заинтересирани за оваа работа до 3 декември попладне мора да ја испратат својата молба и предлози од што би требало да се состои нивната совршена чоколада.
Потоа фирмата ќе избере четворица финалисти кои ги очекуваат додатни тестирања. Имено, ќе бидат повикани во фабриката како би се испитале нивните способности за дегустирање на чоколадо.
Работата се дава на година дена, а среќникот кој ќе го вработат ќе добие годишна залиха од слатки кои може да ги носи дома од работа.