Игор Јанушев по одлуката на Николовски и Заев: Како пратеник нема да користам средства за патни трошоци
Објавено во: Македонија 12 Август, 2020
Игор Јанушев, генералниот секретар на ВМРО-ДПМНЕ, објави дека нема да бара средства за патни трошоци како пратеник во македонското Собрание, откако тоа го објавија Љупчо Николовски и Зоран Заев - генералниот секретар и претседателот на СДСМ.
„Лично како пратеник нема да користам патни трошоци, ама морам да искоментирам во однос на тоа од СДСМ, џабе откажување од патни трошоци кога ја покрадовте државата и народот!“, напиша Јанушев на Фејсбук.
Николовски претходно денеска објави дека тој и Заев вчера потпишале нотарски изјави дека се откажуваат од патните трошоци и ги повикаа и другите пратеници да го направат тоа.