Иако се седми во светот по бројот на починати, Црногорците велат дека спремни ќе ја дочекаат сезоната
Објавено во: Балкан, Корона Вирус 22 Март, 2021
Црна Гора e седма држава во светот по бројот на починати од коронавирус.
Земјата со 186 смртни случаи од коронавирус на 100.000 жители, е на седмото место во светот по бројот на починати од Ковид-19, објави Светската здравствена организација. Првата жртва на коронавирус во Црна Гора е регистрирана на 22 март лани, а оттогаш починале 1.199 лица. Најголем број на починати се регистрирани во февруари годинава – 210. И покрај ваквите податоци, Министерството за економски развој соопшти дека границите на Црна Гора ќе останат отворени, пренесува РТЦГ. Велат дека сезоната ќе ја дочекаат подготвени.
foto freepik