ХУМАНОСТА НА ПРВО МЕСТО: Еден милион денари од хуманиот хепенинг на Фондацијата „Трајче Мукаетов“ ќе одат за Детска клиника

Добивај вести на Viber

Фондацијата „Трајче Мукаетов“ уште еднаш на дело ја покажа хуманоста која е еден од темелите со кои „Алкалоид“ расте и се развива години наназад.

Речиси еден милион денари собрани од големото алкалоидово семејство ќе бидат донирани за доопремување на два оддела на „Клиниката за детски боелсти“ при Клиничкиот центар „Мајка Тереза“ во Скопје: одделот за епилепсија на одделението за неврологија и одделот за астма на пулмо-алерголошкото одделение.

Традицијата наречена хуманирен пикник денеска ги собра вработените, членовите на нивните семејства и нивните пријатели за седми пат со што продолжи хуманата мисија чија главна цел е подобрување и унапредување на позитивните општествени вредност.

„Нашите вработени и нивните пријатели уште еднаш покажаа дека се хумани. Ние денеска се собравме врзани со она што претставува дел од општествената одговорност на компанијата Алкалоид . Преку собирање средства преку овие корпоративни маички собравме над еден милион денари, средства кои ќе ги донираме на клиниката за педијатрија и тоа на одделите за епилепсија и одделите за астма“, изјави генералниот директор на „Алкалоид“ АД Скопје, г-дин Живко Мукаетов.

Г-дин Мукаетов посочи дека ќе се трудат и понатаму да бидат уште похумани и  поодговорни како поединци и како компанија и да придонесуваат за еден подобар живот на сите околу нас.

На хуманата мисија и донација благодарност до генералниот директор на „Алкалоид“ АД Скопје искажа Директорката на Клиниката за детски болести Катерина Ставриќ која посочи дека се надева оти оваа хумана соработка ќе продолжи и во иднина.