Хрватите се бунат, бараат поевтина достава на пиците!

Добивај вести на Viber

Хрватската стопанска трговска и занаетчиска комора силно се спротивстави на примената на одредбите од Правилникот за данокот на додадена вредност (ДДВ), според кој намалената стапка на ДДВ од 10 отсто не се однесува на услугата за достава на храна од угостителските објекти или при нарачка на храна за конзумација надвор од ресторанот, поради што е побарана итна измена на оваа уредба. Со Правилникот за ДДВ, кој стапи на сила од 1 Јануари, се разработува спроведувањето на намалената стапка на ДДВ 25 на 10 отсто на услугите за подготовка на храна и како и за храната, безалкохолните пијалоци, вино и пива кои се служат во рестаран, согласно Законот за угостителска дејност. Сепак, во овие услуги не влегува и испораката, односно доставата на храна од угостителските објекти чија стапка на ДДВ останува 25 проценти. Станува збор за услугите на објектите за кетеринг, но и за слаткарниците, пицериите и другите угостителски објекти, кои нудат храна што се испорачува до корисникот. Од Комората веруваат дека оваа уредба и ваквото толкување на Правилникот, се покажува основно непознавање на угостителската професија. „Кетерингот и објектите за поедноставни услуги(пицерии, слаткарници..) се наведени во Законот за угостителска дејност и никако не треба да бидат одвоени од другитеугостителски објекти во однос на даночниот третман“,сметаат во Хрватската стопанска трговска и занаетчиска комора. „Иако се наведува дека ова е усогласување со директивите на ЕУ и овие видови на објекти не даваат угостителски услуги и затоа не може да имаат намалена стапка на ДДВ од 10 отсто, европската пракса не е таква“, велат од Комората. Конкурентните земји кои имаат усвоено пониска стапка на ДДВ за угостителски услуги, како што се Италија, Словенија, Франција, Турција и Шпанија, не прават разлика помеѓу претпријатија каде што храната се конзумира во просториите и оние кои доставуваат до корисникот, посочуваат стопанствениците. Тие сметаат дека на овој начин, овие објекти и овој вид на угостителски услуги се оштетени во споредба со другите видови на ресторани и ќе бидат помалку конкурентни.