Хонгконг ја загуби титулата најголем пазар на луксузни часовници
Објавено во: Свет 27 Август, 2016
Хонгконг ja загуби титулата на најголемиот пазар на луксузни часовници во светот, откако беше надминат од САД. Тој е најновата жртва на речиси едногодишниот пад на светскиот извоз на швајцарски часовници, бидејќи потрошувачите се одбиени од најскапите предлози, пишува Wall Street Journal.
Во Хонгконг извозот на швајцарски часовници се намалил за близу 33% во јули, во споредба со 14% пад на глобално ниво во однос на една година порано. Во САД падот е 14,7%, а вкупниот извоз на швајцарски часовници во земјата достигна 178,5 милиони швајцарски франци (185 милиони долари).
Износот на Хонгконг паднал под 175 милиони швајцарски франци во јули, под близу 260-те милиони швајцарски франци година порано, покажува статистиката на Федерацијата на индустријата за швајцарски часовници.
„Богатите Кинези веќе не сакаат луксузни часовници“, коментира Шон Рајна, основач на China Market Research Group, која ги советува high-end брендовите. „Новиот луксуз е да одиш на сафари во Боцвана . Веќе не е да носиш часовник за 5 илјади или 15 илјади долари“.
Хонгконг одамна е топ пазар за луксузни часовници, но продажбата беше погодено сериозно од силниот хонконгски долар и од антикорупциската кампања на владата. За да ја стимулираат продажбата и да ги смират трговците, производителите на луксузни часовници, вклучувајќи Cartier и Tag Heuer, ги повлекуваат слабо продаваните скапи часовници, за да направат место за поевтини производи, кои се продаваат побрзо. Луксузните брендови под капата на гиганти како Cie. Financiere Richemont, LVMH Moet Hennessy Louis Vuitton и Swatch Group истовремено пуштаат подостапни верзии на своите часовници, додека украсените со дијаманти модели отстапуваат место на такви од нерѓосувачки челик на пример.