Хојт Ји: Македонија има шанса во 2018 година конечно да го реши спорот за името
Објавено во: Македонија 04 Јануари, 2018
Американскиот заменик-помошник државен секретар задолжен за европски и евроазиски прашања, Хојт Брајан Ји вели дека има политичка волја и во Скопје и во Атина за решавање на спорот за името.
„Мислам дека Македонија има шанса во 2018 година конечно да го реши спорот за името со Грција. Првпат по долго време има политичка волја и во Скопје и во Атина, и Македонија има шанса да ја оствари оваа цел“- вели Ји во интервју за ТВ Н1.
Објаснува дека НАТО има политика на отворени врати, никого не присилува да стане членка, а оние земји кои ги исполнуваат условите за членство се добредојдени.
Од македонска и од грчка страна веќе имаше најави дека во 2018 година е можно да има решение на спорот за името.
За ова прашање денеска грчките партии имаа состанок во Атина.
Грчката Влада поддржува и преговара за сложено име за сите употреби, она што Грција го презентираше како позиција во Букурешт.