Хан и Румен Радев го поздравија ратификувањето на Договорот со Бугарија
Објавено во: Македонија, Балкан 15 Јануари, 2018
Еврокомесарот за соседска политика и проширување, Јоханес Хан на Твитер го поздрави денешното ратификување на Договорот за добрососедство со Бугарија во Собранието на Република Македонија.
„Тоа е важен чекор во вистинска насока на патот на земјата кон ЕУ. Договорот е исто така пресвртница во добрососедските односи за целиот регион на Западен Балкан“- пишува во Твитер објавата на Хан.
Претседателот на Бугарија, Румен Радев, ја поздрави ратификацијата на Договорот за пријателство, добрососедство и соработка помеѓу Република Бугарија и Република Македонија. Смета дека денешното ратификување од страна на македонското Собрание ги комплетира процедурите и го отвора патот за влегување во сила на овој политички документ, што, како што оценува, е најважен за билатералните односи.
„Договорот, што е резултат на долгогодишните напори на дипломати и државници, отвора нова европска страница во билатералните односи. Влегувањето во сила на овој меѓународен акт доаѓа во момент во кој Бугарија го презеде претседавањето со Советот на Европската Унија. Ова има огромно значење за бугарско -македонските билатерални односи и дава јасен сигнал за позитивните случувања на Балканот, кои го доближуваат регионот кон Европа, во контекст на приоритетите на бугарското претседателство“- стои во реакцијата на претседателот.
Радев повика на строго исполнување на точките утврдени во договорот, како и на започнување со сите проекти кои ќе го подобрат животот на бугарските и македонските граѓани.
Пратениците денеска на 30-тата собраниската седница со 61 глас „за“ и еден „воздржан“ го изгласаа Договорот за пријателство, добрососедство и соработка меѓу Република Македонија и Република Бугарија. Во работата на Парламентот не учествуваа пратениците од опозициската ВМРО-ДПМНЕ.
Договорот меѓу Република Македонија и Република Бугарија беше потпишан на 1 август 2017 година од премиерите на двете држави, Зоран Заев и Бојко Борисов.
Можеби ќе ве интересира
ГО ИСКИНА ДОГОВОРОТ ОД ПРЕСПА: „Не постои ни северна, ни јужна Македонија, Македонија е една и е Грција“- грчкиот пратеник Велопулос гневен на тоа како се учи историјата во земјава
ТУКА СУМ, НЕ ОДАМ НИКАДЕ, ЦВРСТО СТОЈАМ НА ПАТОТ НА СОЦИЈАЛДЕМОКРАТИЈАТА! Битиќи замоли да не се шпекулира дека заминува во ВРЕДИ
ЖИВОТ ЗНАЧИ, АМА ЈА РАСФРЛАМЕ КАКО ЃУБРЕ – во дел од регионите во земјата загубите на вода надминуваат 70 отсто
ПАРТИЈАТА НА АПАСИЕВ БАРА ДОНАЦИИ ЗА КАМПАЊАТА: „Ние не сме купени од олигархијата“
ЕВЕ КАКО БЕШЕ ДОНЕСЕН ПАЛЧО ВО ШУТКА: Со четири возила и под силно обезбедување
„КРАЈ СЕКОЈА ДУПКА ВО ПЕКОЛОТ ИМА СТРАЖА, САМО КАЈ МАКЕДОНЦИТЕ НЕМА, ТИЕ САМИ ГО ВЛЕЧАТ НАЗАД ТОЈ ШТО ЌЕ СЕ ОБИДЕ ДА ИЗЛЕЗЕ“: Најчевска вели сите ги знаат нејзините принципи но на изборите добила само 1.200 гласа
„НИКО ИМА КАДЕ ОДИ, НО ЧУКНЕТЕ ГЛАВАТА ДЕКА ВО ЦЕЛА МК ИМА САМО 12 КЛИНИЧКИ ТОКСИКОЛОЗИ“: Во одбрана на Беќаровски застана и адвокатот Јанаки
ФАКТОР НА ДЕНОТ: Љупчо Палевски е екстрадиран од Турција во Македонија
МИНИСТЕРСТВО ЗА ПРАВДА: Голема благодарност до Турција за екстрадицијата на Палевски
