Горбачов: Третата светска војна веќе почна!
Објавено во: Свет 02 Март, 2016
Последниот лидер на Советскиот Сојуз смета дека светот минува низ многу опасна фаза и вели дека третата светска војна веќе почнала, бидејќи се користи оружје за масовно уништување.
„Се трошат огромни суми пари на вооружување. Се повторува сѐ она што еднаш веќе нѐ доведе до пропаст. Неопходно е тоа да се сопре, бидејќи се појавуваат нови земји кои имаат оружје“, смета Михаил Горбачов.
Тој предупреди и дека Обединети нации сѐ помалку се бават со процесите за наоѓање мирно решение, иако е неопходно да се искористи таа институција за да се направи исчекор кон спасување на човештвото.
Експретседалот на СССР смета дека жешките проблеми не можат да се решат со оружена борба и милитаризација туку со конструктивна политика и дијалог.
„Сметам дека живееме во многу опасен период. Светот лизга кон нова студена војна во која никој на никого нема да му се предаде. Сето тоа се глупости! Неопходно е само едно – да се занимаваме со светска и конструктивна политика“, порача Горбачов во интервју за руската телевизија Рен.