„ГО ИЗГОРЕВМЕ ТЕВТЕРОТ СО ДАДЕНИ ПОЗАЈМИЦИ И РЕКОВМЕ - ВЕЌЕ НЕ ДАВАМЕ“ - Имер Селмани ексклузивно за „Бизнис муабети“ на Фактор

Добивај вести на Viber

„Тоа е многу емотивен момент, некого да одбиеш да не му дадеш пари, бидејќи едноставно не можеш да му влезеш во главата дали тој навистина има вистинска потреба, вистински е во зорт, или евентуално даоаѓа затоа што на лесен начин сака да дојде до пари“. 

Ова е одговорот на бизнисменот Имер Селмани во разговорот за подкастот „Бизнис муабети“ на Фактор, кој се емитуваше вчера и ќе продолжи на нашиот портал да се емитува во петок, секоја наредна недела. 

„На почетокот јас и братми дававме, ќе дојде некој ќе побара, не можевме да одбиеме, кој како бараше, 50, 100 евра, 2.000 евра, на заем. А не на заем даваш таму каде што гледаш дека човекот навистина нема, сиромав, или дете сирак... Водиме сметка, секоја година одвојуваме буџет каде што помагаме на такви луѓе, и тоа се неповратни средства. 

Но имаше луѓе, особено во првите 10 до 15 години, луѓе кои бараат пари и никогаш не ги враќаат, а ќе позајмат на месец, два три. 

И имавме еден тевтер во кој водевме евиденција. И пресековме. Зедовме, го изгоревме тевтерот, и рековме - овие што досега се дадени неги бараме, но веќе не даваме позајмици“, вели бизнисменот Имер Селмани во разговорот за подкастот „Бизнис муабети“ ексклузивно на Фактор. 

Целиот подкаст гледајте го тука