Ѓорги Галетановски тврди дека не бил со Сенко за време на неговото апсење и бара извинување
Објавено во: Македонија 20 Август, 2020
Откако Ирена Попова, советничка во Град Скопје од ВМРО-ДПМНЕ, обвини дека директорот на Скопската зоолошка градина, Ѓорѓи Галетановски бил во присуство на директорот на ЈП „Улици и патишта“, кога бил уапсен со кокаин, и праша дали него намерно не му бил извршен претрес, се огласи и лично Галетановски.
Тој тврди дека ниту бил во присуство на поранешниот директор на ЈП „Улици и патишта“, Сенад Смаиловиќ, ниту бил претресен за поседување на дрога.
„Еве дека сака да биде актуелна госпоѓица Ирена јавно ќе и одговорам дека дрско лаже, дека МВР не крие ништо и дека нит сум бил таму нит ме претресле некаде. Воедно ќе и порачам дека ако не ми се извини јавно ќе добие тужба за клевета и нарушување на углед. Госпоѓице Ирена. Имате нови 4 години за да се докажете кај новото раководство на дпмне, така да пробајте се во глумата сигурен сум дека покрај другите способности ве бива и за тоа“, стои во реакцијата на Галетановски.